Numri total i rasteve pozitive me Sars CoV2, prej 13 marsit kur u paraqitën dy rastet e para me këtë virus, ka shkuar në 50 mijë e 620.

Nga raporti i fundit i Institutit Kombëtar i Shëndetësisë Publike i Kosovës (IKShPK) bëhet me dije se 1 309 persona kanë humbur jetën si pasojë e infektimit me virusin korona.

Aktualisht në Kosovë janë 9 749 raste aktive me Covid-19.

“Gjatë 24 orëve të fundit në Laboratorin e Mikrobiologjisë Molekulare në IKShPK dhe laboratorët privatë me metodën RT-PCR janë testuar gjithsej 1 012 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 215 raste pozitive. Brenda 24 orëve janë raportuar 4 raste të vdekjes me SARS CoV-2 pozitiv. Rastet e vdekjes janë nga komunat: Ferizaj 2 raste (70, 69 vjeç), Drenas 1 rast (52 vjeç) dhe Istog 1 rast (61 vjeç). Numri total i rasteve pozitive është 50 620 raste nga 179 402 persona të dyshimtë në virusin SARS-CoV-2 dhe 1 309 raste të vdekjes. Gjatë 24 orëve të fundit, janë shëruar 428 pacientë derisa numri i përgjithshëm i të shëruarve deri më sot është gjithsej 39 562 raste, kurse numri i rasteve aktive është 9 749”, thuhet në raportin e fundit të IKShPK-së.

Rastet pozitive janë nga komunat: Prishtinë 117 raste, Ferizaj 13 raste, Gjilan 11 raste, Prizren 10 raste, Lipjan 9 raste, Mitrovicë 9 raste, Obiliq 7 raste, Fushë-Kosovë 6 raste, Pejë 4 raste, Gjakovë 3 raste, Podujevë 3 raste, Skenderaj 3 raste, Suharekë 3 raste, Viti 3 raste, Vushtrri 3 raste, Drenas 2 raste, Kamenicë 2 raste dhe me nga 1 rast komunat: Deçan, Hani i Elezit, Istog, Klinë, Malishevë, Novobërdë dhe Shtime.