(Kosova meriton qeveri që punon me Amerikën, jo që humb besimin e saj.)
Kosova ka nevojë për udhëheqje të qartë, të përgjegjshme, të besueshme dhe të orientuar kah aleatët që na kanë ngritur në shtet.
Koha kërkon vendim.
Zgjedhjet që po vijnë vendosin kush do ta udhëheqë Kosovën me aleatët tanë apo kush do ta lëkundë besimin e tyre.
SHBA ka treguar qartë se kërkon partnerë seriozë, të besueshëm dhe me vizion. Dhe kur udhëheqja jonë angazhohet drejtpërdrejt në Washington, me zyrtarë të nivelit të lartë të Shtëpisë së Bardhë dhe Departamentit të Shtetit, ky është sinjali se Kosova mund të rikthejë fuqishëm besimin strategjik amerikan.
Dhe këto takimet, dëshmojnë se besimi ndërkombëtar fitohet me punë, vizion dhe sjellje shtetërore. Kur SHBA sheh seriozitet, ajo hap dyert, e kur sheh kredibilitet, ajo investon politikisht dhe strategjikisht.
Sot më shumë se kurrë, Kosova ka nevojë për një lidership që kupton peshën e aleancës me Shtetet e Bashkuara, jo si dekor diplomatik, por si mbështetje për sigurinë, zhvillimin ekonomik dhe integrimin e Kosovës në NATO e BE.
Ky udhëheqës duhet të dijë të flasë me partnerët tanë, të ndërtojë besim dhe të sjellë rezultate për qytetarët. SHBA-të e kanë tashmë adresën.
Takimet në Washington, na rikujtojnë një të vërtetë themelore se, SHBA është faktori kryesor i sigurisë sonë kombëtare dhe i aspiratave euro-atlantike të Kosovës.
Kjo marrëdhënie kërkon seriozitet, platformë, lidership dhe vizion zhvillimor, jo improvizime politike, jo retorikë boshe, jo konflikte të brendshme dhe jo izolim diplomatik.
Prandaj, zgjedhjet që po vijnë nuk janë vetëm garë partish, ato më shumë janë test për drejtimin që merr Kosova, për fuqinë e shtetit dhe mënyrën si do të shikojë SHBA-ja te ne, si partner të besueshëm apo si vend pa busull strategjike.
Ne duhet të zgjedhim qeverisjen që e lidh Kosovën me shtetin më të fuqishëm të botës, qeverisjen që nuk frikësohet nga puna dhe përgjegjësia, qeverisjen që e kthen dialogun me Washingtonin në zhvillim ekonomik, siguri dhe rritje mirëqenie e prosperim për qytetarët.
Kosova ka një shans të madh përpara. Tani është momenti që ta kthejmë besimin strategjik në fuqi të brendshme, në punë konkrete dhe në fitore për të ardhmen tonë.
Kjo është zgjedhja.
Ky është momenti.
Dhe kjo është përgjegjësia jonë para historisë.
Zgjedhjet janë afër dhe zgjedhja është e qartë.
Shteti ynë meriton vizion, besueshmëri dhe aleatë të fortë, që ecim përpara, së bashku me SHBA-në.
Zoti para ne mbrapa – Fitorja është jona. 327