Presidenti i SHBA-së, Donald Trump ka vendosur heqjen e tarifave kundër Indisë, të cilat i kishte vendosur për të dobësuar në mënyrë indirekte tregtinë multi-miliardë dollarëshe të naftës së Rusisë.

Tarifa prej 25 përqind, e futur në gusht, nuk do të aplikohet më duke filluar nga kjo e shtunë, sipas një dekreti të lëshuar nga presidenti Trump.

Ai e justifikoi anulimin e tarifave duke pretenduar se India kishte ndërmarrë hapa për të ndaluar importet e naftës ruse, ndonëse deri tani nuk ka pasur asnjë konfirmim zyrtar për këtë gjë nga qeveria indiane.