Deputetja e Lidhja Demokratike, Janina Ymeri, ka reaguar ndaj largimit nga puna të gazetares së Radio Televizioni i Kosovës, Edina Avdiu, duke e lidhur rastin me, siç e quan ajo, përpjekjet për kontroll politik mbi mediat dhe përndjekje të zërave kritikë.

Në reagimin e saj në rrjete sociale, Ymeri shpreh fillimisht solidaritet dhe keqardhje për gazetaren, duke theksuar se ajo nuk ka pasur vërejtje profesionale dhe se është shtatzënë: “Shpreh keqardhjen për rastin e gazetarës Edina Avdiu e cila ndonëse pa vërejtje në profesionalizmin e saj, por edhe shtatzënë, nuk do jetë e punësuar në Radiotelevizionin e Kosovës.”

Deputetja e LDK-së e lidh rastin me, siç e përkufizon ajo, mendësinë e Lëvizja Vetëvendosje për kontroll të mediave dhe përndjekje politike, por edhe me rolin e faktorëve ndërkombëtarë: “Une mendoj që kontrolli në media edhe përndjekjet politike do të ishin intensifikohen moti kohë nga mendësia VV por fatmirësisht jetojmë në Europë edhe kemi praninë e aleatëve ndërkombëtarë.”

Ymeri paralajmëron se asnjë gazetar apo qytetar nuk është i mbrojtur nga një logjikë përjashtimi nëse nuk përputhet me, siç thotë ajo, “axhendën partiake të kontrollit”: “Kështu asnjë nga ne nuk është imun, sot Edina, nesër përjashtohet tjetri/tjetra, poqese nuk shkon në vijë me axhendën partiake të kontrollit.”