Veprimtari Sali Bislimi ka reaguar lidhur me mungesën e veteranëve në festimet shtetërore, duke theksuar se një ngjarje e tillë nuk mund të kuptohet pa kontributin e luftëtarëve të Ushtria Çlirimtare e Kosovës.

Në reagimin e tij publik, Bislimi shprehet se “nuk bëhet dasmë pa nuse, as EPOPE pa UÇK”, duke e konsideruar përjashtimin e veteranëve nga ceremonitë zyrtare si zhvlerësim të sakrificës dhe historisë së luftës çlirimtare.

Sipas tij, veteranët mishërojnë përvojën dhe realitetin e jetuar në luftë, ndërsa roli i tyre është thelbësor në ruajtjen dhe transmetimin e kujtesës kolektive.

Ai thekson se festimet pa praninë e tyre përbëjnë humbje të thellësisë historike dhe emocionale për popullin.

Postimi i plotë i tij: 

Nuk bëhet dasmë pa nuse, as EPOPE pa UÇK.

Mungesa e veteranëve në festimet shtetërore të një fitoreje epike duket thellësisht qesharake dhe ngre disa çështje kritike.
Veteranët mishërojnë përvojën dhe realitetin e jetuar në luftën çlirimtare.
Roli i tyre është thelbësor në transmetimin e kujtesës kolektive, duke dëshmuar sakrificat e bëra për të arritur fitoren.
Festimet pa ta janë një zhvlerësim i ngjarjeve, një humbje e thellësisë historike dhe emocionale për popullin tonë.
Kur veteranët nuk përfshihen, kjo mund të sinjalizojë një erozion të vlerave të respektit dhe nderit, të cilat shpesh lidhen me njohjen e sakrificave të bëra nga ata që luftuan.
Gjithashtu, është një zhvendosje drejt një kulture të kënaqësisë së menjëhershme, ku festimet janë më të rëndësishme sesa njohja e përpjekjeve të bëra.
Stop luftës speciale kundër UÇK-së.
Shteti i Kosovës ka obligime; nuk guxon të godasë themelet e veta!