Qendra Kombëtare për Menaxhim Kufitar (QKMK) ka njoftuar se gjatë ditës së shtunë, më 14 mars, duke filluar nga ora 16:00 deri në orën 18:00, do të mbahet protestë në territorin e Serbisë.

Është bërë me dije se rruga në Jarinje do të bllokohet për dy orë, ndërsa bëhet thirrje që të shmanget qarkullimi në këtë zonë kufitare.

“Ju njoftojmë, se nesër, më datë, 14.03.2026, është paralajmëruar mbajtja e një proteste në territorin e Serbisë dhe bllokimi i rrugës për dy orë, duke filluar nga ora 16:00 deri 18:00.  Ju inkurajojmë që nesër të shmangni qarkullimin në këtë PKK dhe të zgjidhni PKK të tjera për qarkullim.  Për më shumë informata, kontaktoni QKMK, në numrat: +383(0)45198000. +383(0)45198606 dhe në numrin pa pagesë 080050095”, ka njoftuar QKMK-ja.