“Më shumë mish viçi australian do të shërbehet në tryezat e ngrënies së Evropës” sipas një marrëveshjeje të re të tregtisë së lirë me Bashkimin Evropian që ul shumicën e tarifave të eksportit për produktet australiane, shkruan “BBC”.

Marrëveshja, me vlerë rreth 10 miliardë dollarë australianë (7 miliardë dollarë; 5.2 miliardë paund) u nënshkrua të martën me kryeministrin e Australisë dhe kreun e Komisionit Evropian që e përshkruan atë si një “fitore të ndërsjellë”.

Sipas marrëveshjes, e cila është hartuar tetë vjet më parë, pothuajse të gjitha tarifat e BE-së do të hiqen për produktet bujqësore australiane, siç janë vera, frutat dhe perimet, vaji i ullirit, ushqimet e detit, shumica e produkteve të qumështit dhe gruri dhe elbi.

Kjo do të thotë një kursim prej rreth 37 milionë dollarësh australianë për prodhuesit dhe eksportuesit vendas të verës, tha qeveria.

Për konsumatorët australianë, marrëveshja do të thotë verë, pije alkoolike, biskota, çokollata dhe makarona evropiane më të lira.