“Në shërbim të kombit edhe larg atdheut” është dokumentari që do të shfaqet të premten, më 27 mars, në kinemanë “ABC” në Prishtinë.

Ky dokumentar i kushtohet mësuesit, intelektualit dhe veprimtarit të çështjes kombëtare, Ahmet Metaj.

Dokumentari “Në shërbim të kombit edhe larg atdheut” do të shfaqet të premten, duke filluar nga ora 19:00.

Ahmet Metaj ka lindur më 20 qershor 1943 në fshatin Shushicë e Poshtme, Komuna e Istogut, ndërsa ka ndërruar jetë më 27 mars 2025 në Berlin, Gjermani.

Metaj ishte aktivist i shquar i çështjes kombëtare, duke dhënë një kontribut të çmuar në periudha të rëndësishme të historisë sonë. Ai u dallua edhe për organizimin e demonstratave të vitit 1981.

Ahmet Metaj ishte gjithashtu themelues i shkollës shqipe “Dituria” në vitin 1976 dhe i klubit “Bajram Curri” në vitin 1981 në Berlin.