Kryetari i Lidhjes Demokratike të Kosovës (LDK), Lumir Abdixhiku, ka njoftuar se ka zhvilluar një vizitë në komunën e Vitisë.

Abdixhiku në një postim në rrjetet sociale ka shkruar se përbrashkimi i madh rreth LDK-së kërkon rikthim të baza.

“Përbashkimi i madh rreth LDK-së kërkon rikthim te baza. Te njerëzit tanë. Të ata që nuk kërkojnë asgjë për vete, përveç unitetit dhe ringritjes sonë”.

“Prandaj, kam nisur ciklin e takimeve në bazë. Qëndrova në Viti”, ka shkruar Abdixhiku.

Ai ka thënë se në Viti ka folur dhe ka marrë mesazhe të qarta nga mbështetësit e partisë.

“Shqetësimet, pritjet dhe kërkesa për bashkim janë të njëjta kudo; dhe janë më të forta se kurrë. Dhe ky bashkim do të ndodhë. Jo vetëm si dëshirë, por si vullnet i njerëzve tanë. Si nevojë e kohës. Si rruga jonë përpara”, ka shkruar Abdixhiku.