Në kuadër të vizitave dhe bashkëbisedimeve me strukturat e saj, Sekretari i Përgjithshëm i Degës së PDK-së në Zvicër, Shaip Kadriaj, ka vizituar nëndegën në St. Gallen, ku është pritur nga kryetari i deritanishëm, Drin Çeku, dhe anëtarët e kryesisë.

Gjatë këtij takimi është vlerësuar puna dhe angazhimi i nëndegës në St. Gallen, e cila konsiderohet ndër më aktivet, me potencial të madh dhe me një frymë të theksuar organizimi dhe bashkëpunimi. Po ashtu, është diskutuar për aktivitetet e deritanishme, planet për të ardhmen, si dhe për zgjerimin dhe fuqizimin e mëtejmë të strukturës.

Në këtë takim, kryetari i deritanishëm, Drin Çeku, ka paraqitur dorëheqjen e tij për arsye personale, pasi për një periudhë kohore nuk do të jetojë në Zvicër.

Pas kësaj, kryesia e nëndegës ka emëruar nënkryetarin, Flamur Salihu, si ushtrues detyre të kryetarit deri në mbajtjen e zgjedhjeve të brendshme.

Me këtë rast, Kadriaj ka falënderuar Çekun për kontributin dhe angazhimin e tij, duke i uruar suksese në rrugëtimin e tij të ardhshëm.

“Së bashku vazhdojmë fuqishëm për një organizim më të mirë dhe për një diasporë sa më të bashkuar në Zvicër”, ka deklaruar Kadriaj.