Emisari evropian për dialogun Kosovë-Serbi, Peter Sorensen, ka treguar për takimet e mbajtura gjatë kësaj jave në Bruksel me kryenegociatorët, Agron Bajrami dhe Petar Petkoviq.

Në një njoftim në platformën “X”, ai ka thënë se në takime kanë folur rreth përcaktimit të planit të punës për normalizimin e marrëdhënieve mes të dyja vendeve.

“Këtë javë mbajtëm takime të ndara dhe të hollësishme me të dy kryenegociatorët në Bruksel për të përcaktuar planin tonë të punës për normalizimin e marrëdhënieve midis Kosovës dhe Serbisë për muajt e ardhshëm”, ka shkruar Sorenseni.

Held separate, detailed meetings with both Chief Negotiators in Brussels this week to outline our work plan on the normalisation of relations between Kosovo and Serbia for the coming months. pic.twitter.com/gVtQqgm8pM

— EUSR for Belgrade-Pristina Dialogue (@EUSR_Dialogue) May 13, 2026