“Në shërbim të humanizmit dhe solidaritetit ndaj kolegëve të mediave të huaja, të aksidentuar në maj të vitit 1998 mbi Padesh.

Ishim në një mision në Malet e Junikut dhe, gjatë kthimit, lëviznim me dy ekipe automjetesh të terrenit. Në zbritje, njëri nga ekipet që po na printe pësoi një aksident të rëndë. Falë Zotit, automjeti nuk ra në greminë, pasi pasojat do të kishin qenë fatale”, ka shkruar Besnik Kada, ish-ushtar i UÇK-së në Koshare dhe gazetar i kohës së luftës.

Sipas tij, gazetarët e lënduar ishin amerikanë, anglezë dhe kroatë, të cilët po raportonin nga zona e luftës në Kosovë gjatë periudhës më të rëndë të konfliktit.