Liverpooli e ka emëruar Andoni Iraolan si trajner të ri të skuadrës, pas shkarkimit të Arne Slotit.

“The Reds” ka njoftuar për largimin e Slotit të shtunën, një vit pasi holandezi e kishte udhëhequr skuadrën drejt titullit të Premier Leagues. Ish-trajneri i Bournemouthit, 43-vjeçari Iraola, i bashkohet Liverpoolit pas suksesit që kishte me skuadrën që ka përfundur në pozitën e gjashtë.

Ishte vetëm një pozitë dhe tri pikë prapa Liverpoolit që ka siguruar Ligën e Kampionëve. Bournemouthi në sezonin tjetër do të luajë në Ligën e Evropës.

Spanjolli Iraola në muajin prill kishte njoftuar se do të largohej nga Bournemouthi në këtë verë dhe ishte i lidhur për ta marrë drejtimin e Crystal Palacet apo Milanit.

Por, ka vendosur të transferohet në “Merseyside”, me Liverpoolin që ka siguruar Ligën e Kampionëve me 60 pikë, që janë shifrat më të ulëta që nga kampanja 2015/16. Iraola si pjesë të stafit do t’i marrë me vete ata që i kishte te Bournemouthi, Tommy Elphickun dhe Shaun Cooperin.