Policia e Kosovës dhe Agjencia për Regjistrimin e Bizneseve të Kosovës (ARBK) kanë nënshkruar një marrëveshje bashkëpunimi me synim forcimin e koordinimit ndërinstitucional dhe avancimin e bashkëpunimit në fusha me interes të përbashkët.

Sipas njoftimit, marrëveshja parasheh përmirësimin e shkëmbimit të informatave ndërmjet dy institucioneve, ngritjen e kapaciteteve profesionale si dhe zhvillimin e mëtejmë të bashkëpunimit institucional.

Ky bashkëpunim synon të rrisë efikasitetin në punë dhe të kontribuojë në ofrimin e shërbimeve më cilësore për qytetarët dhe bizneset në Kosovë.