Deputeti i zgjedhur i Vetëvendosjes, Nezir Kraki, ka reaguar lidhur me një njoftim të Komunës së Mitrovicës së Jugut, ku përcaktohet se me çfarë veshjeje ndalohet hyrja në objektin e komunës.

Kraki ka shprehur dyshimet e tij se lajmi mund të jetë i pasaktë, pasi, sipas tij, komuna nuk ka të drejtë të përcaktojë kod veshjeje për qytetarët, por vetëm për stafin e saj.

“A mos është lajm i gabuar, sepse komuna nuk mund të imponojë kod veshjeje për qytetarët, por vetëm për punëtorët e vet”, ka shkruar Kraki në “Facebook”.