Mbledhja e Kuvendit Komunal në Gjilan, eskaloi sot pas kërkesës së Partisë Demokratike të Kosovës (PDK) që në rend dite të përfshihej raporti i punës së kryetarit Alban Hyseni.

Kryesuesja e Kuvendit e refuzoi kërkesën, me arsyetimin se bëhej fjalë për një pikë jashtë rendit të ditës dhe se ajo nuk ishte miratuar.

Nga pamjet e publikuara nga seanca shihet se disa asamblistë qëndrojnë pranë vendit të kryesueses, ndërsa gjatë debatit drejtori i LV-së, Kushtrim Ibrahimi, kap për dore asamblistin e PDK-së, Burhan Isufi.