Argjentina është kualifikuar mes 16 më të mirave të Botërorit. Kampionët me fuqi, vuajtën për më shumë se 120 minuta lojë, për të marrë një fitore të vështirë 3-2 ndaj Kepit të Gjelbër.

Ajo që pritej të ishte një ndeshje e lehtë, rezultoi shumë e vështirë për bardhekaltrit, që u shtangën nga afrikanët.

Messi zhbllokoi takimin në minutën e 29-të, rezultat me të cilin u mbyll pjesa e parë. Pjesa e dytë nisi me golin e Kepit të Gjelbër, që barazoi me Duarte në minutën e 59-të.

Koha e rregullt u mbyll me këtë rezultat, ndërsa shtesat nisën me gol për Argjentninën, që mori avantazhin me Lisandro Martinez.

Kepi i Gjelbër nuk u dorëzua dhe barazoi me një supergol nga Lopes Cabral në minutën e 103-të.

Një autogol i Borges në minutën e 111-të, i dha avantazhin dhe kualifikimin Argjentinës, që do të përballet me Egjiptin në fazën tjetër.