Trajneri i Brazilit bëri një parashikim të ndeshjes kundër Norvegjisë në raundin e 16-të të Kupës së Botës 2026 dhe foli për “Peshkaqenët Blu”.

Carlo Ancelotti ka konfirmuar se ai tashmë ka vendosur se kush do ta zëvendësojë Lucas Paquetan në formacionin titullar të Brazilit për ndeshjen kundër Norvegjisë në raundin e 16-të të Kupës së Botës 2026, shkruan Abola, transmeton klankosova.tv.

Megjithatë, trajneri brazilian ka zgjedhur të mos e zbulonte emrin e lojtarit të zgjedhur, megjithëse përmendi Danilon dhe Martinellin si opsione të mundshme.

“Nuk kemi lojtarë në skuadër me cilësinë e Lucas Paqueta-s. Duhet ta zëvendësojmë atë me lojtarë të tjerë. Danilo është ndryshe nga Gabriel, i cili është ndryshe nga Cunha, i cili është ndryshe nga Ederson”.

“Do të marrim parasysh atë që është më e mira për ekipin, duke ditur pikat e forta të kundërshtarit”, ka thënë ai.

Sipas Ancelottit, kriteri kryesor për përzgjedhjen do të jetë aftësia e lojtarit për të përmbushur rolin mbrojtës në anën e majtë, ashtu siç bëri Paqueta.

“Në mbrojtje, [na duhet] dikush që mund të kthehet prapa në të majtë kur skuadra nuk e ka topin. Martinelli dhe Danilo mund ta bëjnë këtë”, ka shpjeguar ai.

Në sulm, detyra do të jetë të zërë hapësirën midis qendrës dhe anës së majtë të sulmit.

Në paraprirjen e ndeshjes kundër Norvegjisë, e cila ka qenë një nga pikat kryesore të turneut, Ancelotti ka kujtuar performancën e Kepit të Gjelbër .

“Kush do ta kishte menduar se Argjentina do të kishte vështirësi kundër Kepit të Gjelbër? Askush. Ky është futbolli modern. Nuk është faji i Argjentinës, por urime për Kepin e Gjelbër, lojtarët dhe trajnerin e tij, që luajtën një ndeshje kaq të bukur”, ka thënë Ancelotti.