Një ngjarje e rëndë është raportuar pak minuta më parë në lagjen nr. 14 në qytetin e Korçës, ku ka ndodhur një vrasje.

Sipas informacioneve paraprake, ka mbetur viktimë 20-vjeçari Joan Zuko. Ai shërbente si ushtarak te Forcat e Armatosura.

Për kryerjen e krimit dyshohet të jetë përdorur një armë zjarri kallashnikov.

Autori e ka ndjekur viktimën, i cili nuk banonte në këtë lagje, teksa përpiqej të fshihej në një pallat.

Më pas e ka kapur brenda pallatit dhe e ka vrarë.

Pas vrasjes, autori është arratisur. Policia e ka identifikuar dhe po vijon punën për kapjen e tij. Në disa zona janë ngritur postblloqe.

Informacionet janë ende paraprake, ndërsa priten të dhëna zyrtare nga Policia e Korçës.