Ngjarja e sotme në Kuvendin e Kosovës, përveç mediave të rajonit, ka zënë vend edhe në media të mëdha si Reuters, dhë në disa media të tjera të ndryshme të huaja.

“Reuters” në faqen e zyrtare ka publikuar një numër fotografish nga seanca e sotme, duke treguar për vezët që iu hodhën kryeministrit Albin Kurti nga deputetja e Aleancës, Time Kadriaj.

Për këtë ngjarje kanë raportuar edhe media të tjera, italiane, bullgare e madje edhe braziliane.

Bëhet fjalë për “La Stampa”, “Metropoles”, “Dunavmost”, e “ATP News”.

Këto media kanë publikuar në llogaritë e tyre në X, pamjet nga Kuvendi kur Kadriaj e gjuan Kurtin me vezë.

E gjithë ngjarja ka ndodhur sot pasi kreu i LVV-së, Albin Kurti, nuk ka propozuar një emër për kryetar Kuvendi. Pasi Kurti ka thënë se i duhet më shumë kohë dhe është ulur në sallën e Kuvendit, ka qenë deputetja Time Kadriaj që e ka qëlluar disa herë radhazi me vezë.

Kjo ka çuar në tensionim të situatës në Kuvend, duke bërë që të ndërpritet seanca.