Deputetja e Partisë Demokratike të Kosovës (PDK), Sala Jashari, ka deklaruar se situata e krijuar të mërkurën në Kuvendin e Kosovës është pasqyrë e përçarjes që, sipas saj, Lëvizja Vetëvendosje (LV) ka krijuar në shoqërinë kosovare.

E ftuar në “KosovaLive”, Jashari ka theksuar se zhvillimet në Kuvend kanë reflektuar klimën e krijuar në shoqëri.

Ajo theksoi se Kuvendi, si institucion, do të duhej të ishte shembull i një kulture politike dhe shoqërore që edukon edhe të rinjtë e vendit.

“Do të duhej të ishte pasqyrë e një kulture që synon t’i edukojë edhe të rinjtë e vendit”, është shprehur Jashari.

Deputetja e PDK-së, ka thënë  gjithashtu se i ka ardhur keq për etiketimet dhe komentet që janë bërë në rrjetet sociale pas zhvillimeve dhe përplasjeve në Kuvend.