Ish-deputetja e PDK-së, Besa Ismaili-Ahmeti, i është përgjigjur deputetit të Lëvizjes Vetëvendosje, Enver Haliti, pas një postimi të tij në rrjetet sociale.

Haliti kishte publikuar një fotografi me mbishkrimin “Prodhuesi vendor i PDK-së”, duke iu referuar një aktiviteti të Partisë Demokratike të Kosovës.

Në reagimin e saj, Ismaili-Ahmeti ka ironizuar me postimin e deputetit të LVV-së, duke e akuzuar atë dhe partinë e tij se nuk po e llogarisin prodhuesin vendor.

“Deputeti i Republikës po thotë pa qenë prodhues vendor i LVV-së, nuk të llogarisin për prodhues vendor!”, ka shkruar ajo.

Më tej, ajo ka ngritur pyetjen se çfarë bëhet me prodhuesit që nuk janë pjesë e Vetëvendosjes.

“Po ata 60%+ që nuk janë me as kë, çka të bëjnë ata?”, ka shkruar Ismaili-Ahmeti.

Ajo e ka përmbyllur reagimin me një mesazh për qytetarin dhe prodhimin vendor, duke shkruar:

“Kaq për qytetarin, për prodhimin vendor dhe barazinë qytetare. Turp Enver Haliti. Turp”.

Në fund, Ismaili-Ahmeti e ka shoqëruar reagimin me thirrjen “TURP Enver Haliti!” dhe “TURP!”, duke e bërë të qartë se postimin e deputetit të LVV-së e ka konsideruar të papranueshëm.