Haki Abazi, ish-deputet i Lëvizjes Vetëvendosje, ka dorëzuar kallëzim penal në Prokurorinë Speciale ndaj Albin Kurtit, për ushtrim të dyfishtë të pushtetit, atë legjislativ dhe ekzekutiv.

Abazi ka pretenduar se Kurti, së bashku me deputetë dhe ministra të tij, ka konsumuar tri vepra penale.

Sipas tij, bëhet fjalë për keqpërdorim të autoritetit zyrtar, pengim të institucioneve kushtetuese dhe mosekzekutim të vendimeve gjyqësore.

Kallëzimi penal është dorëzuar në Prokurorinë Speciale, ndërsa Abazi ka kërkuar që pretendimet e tij të hetohen nga organet kompetente.