Ushtarët e Kosovës kanë zhvilluar stërvitje luftarake me forcat e Qendrës së Përbashkët Shumëkombëshe të Gatishmërisë në Gjermani.

Stërvitja “forcë kundër force” është realizuar me Batalionin e Parë të Regjimentit të Katërt të Këmbësorisë, i cili ka luajtur rolin e forcës kundërshtare.

Aktiviteti është zhvilluar në poligonin ushtarak Hohenfels, në kuadër të ushtrimit ndërkombëtar “Saber Junction 26”.

Sipas njoftimit, skenarët luftarakë u kanë mundësuar forcave aleate dhe partnere të testojnë aftësitë e tyre në kushte presioni, duke rritur përshtatshmërinë dhe gatishmërinë luftarake.

Fotografitë nga stërvitja janë realizuar nga ushtari Jermyiah Pangelinan dhe tetari Thomas Dixon.