Platforma qytetare “Liria Ka Emër” do të mbajë sot konferencë për media, në kuadër të aktiviteteve të paraprira për marshin e 1 tetorit.

Konferenca është paralajmëruar të mbahet në ora 14:00, ndërsa organizatorët pritet të japin detaje lidhur me marshin, ani pse arsyeja e mbajtjes së konferencës nuk është bërë me dije.

Marshi i 1 Tetorit vjen në vazhdën e angazhimeve të kësaj platforme për të rikujtuar dhe promovuar mesazhet që lidhen me lirinë, drejtësinë dhe të kaluarën e Kosovës, si dhe për ta kundërshtuar vendimin dënues ndaj ish-krerëve të UÇK-së.