Aeroporti Ndërkombëtar i Prishtinës “Adem Jashari” ka regjistruar rritje të numrit të pasagjerëve dhe fluturimeve gjatë muajit tetor 2026, krahasuar me të njëjtën periudhë të vitit paraprak.

Sipas të dhënave të publikuara nga aeroporti, gjatë muajit tetor janë shërbyer gjithsej 403,368 pasagjerë, duke shënuar rritje prej 4.24 për qind krahasuar me tetorin e vitit 2025.

Ndërkohë, gjatë kësaj periudhe janë realizuar 2,562 fluturime, apo 3.56 për qind më shumë se në të njëjtin muaj të vitit të kaluar.

Përmes një njoftimi, Aeroporti Ndërkombëtar i Prishtinës ka vlerësuar se këto rezultate reflektojnë rritjen e lëvizshmërisë së udhëtarëve dhe vazhdimësinë e operacioneve aeroportuale.

“Pas çdo numri qëndrojnë njerëz, udhëtime, takime dhe histori të reja”, thuhet në njoftimin e aeroportit.

Po ashtu, është theksuar se falë besimit të pasagjerëve dhe bashkëpunimit me partnerët, aeroporti synon të vazhdojë rritjen dhe forcimin e lidhjeve të Kosovës me destinacionet ndërkombëtare.