Është arrestuar një i dyshuar për vrasjen e reperit të Los Angeles Nipsey Hussle, kanë bërë me dije zyrtarët policorë. 29-vjeçari Eric Holder ishte në arrati, pasi u largua nga skena e krimit me një makinë që ishte në pritje, ka njoftuar Departamenti i Policisë në Los Anxhelos.

Hussle, 33 vjeç, u qëllua jashtë dyqanit të tij të veshjeve në Los Anxhelos të dielën.

Hetuesit besojnë se vrasja vjen si rezultat i një “çështje personale” ndërmjet Holder dhe Hussle.

Kamerat e sigurisë tregojnë një burrë me një këmishë të errët që qëllon të paktën tri herë përpara se të largohet, ka raportuar “TMZ”.