Anëtari i Këshillit të Përgjithshëm të LDK-së, Naser Rugova, ka thënë në emisionin Pressing në T7 se vetëm ka dashur të këshillojë kryeparlamentaren Vjosa Osmani që të mos e mbrojë tërë kohën VV-në, por që të rreshtohet krah subjektit të saj.

“Vjosës i thashë që po duket keq duke e mbrojtur LV-në tërë kohën”, thotë ai.

Tutje ai thotë se në LDK ekziston demokracia e brendshme andaj secili mund të thotë mendimin e vet të lirë.

“Në cilën parti guxon që një nënkryetar të del kundër kryetarit. Kur flasim për demokraci të brendshme, LDK është e para dhe e vetmja. Por duhet të respektohen organet. Unë jam i djathtë. Familjarisht jam gjithmonë i djathtë. Stërgjyshi im ka qenë pjesë e Lidhjes së Pejës. E kam ditur qe koalicioni me LV-nw nuk do zgjasë me shume se 6 muaj”, ka thënë ai.

‘’Duhet të them. Më shumë se 80% e ministrave tonë janë teknokrat. Gjenerata e re e LDK’së është në qeverisje. Kur është vendosur për qeverinë Hoti. 30 anëtar të kryesisë kanë votuar për. Vetëm Vjosa Osmani nuk ka qenë aty fare”, ka deklaruar Rugova.