Sekretari i zgjedhjeve i Partisë Demokratikë të Kosovës, Betim Gjoshi, ka thënë se Vjosa Osmani, ushtruesja e detyrës e presidentit, nuk e ka përmendur asnjëherë Ushtrinë Çlirimtare Kosovës gjatë fjalimit të saj që mbajti sot në Kuvendin e Shqipërisë, në kuadër të vizitës treditore atje. “Osmani është mosmirënjohëse e madhe. Ajo e tillë ka qenë edhe ndaj Fatmir Sejdiu dhe ndaj Isa Mustafës. Në fjalimin e kryetarit të Kuvendit të Shqipërisë, Gramoz Ruçit, përmendet disa herë UÇK-ja, ndërsa në fjalimin e Osmanit asnjëherë. Kam kërkuar që ajo të tregoj se pse e urren UÇK-në dhe mundohet t’u ikë çdoherë deklaratave rreth saj”, ka thënë Gjoshi në Klan Kosova.

Ai ka thënë se Osmani nuk ka bërë asnjëherë zhurmë në politikën kosovare.