Partia Demokratike e Kosovës (PDK) i është përgjigjur pozitivisht ftesës së Albin Kurtit dhe Vjosa Osmanit për të marr pjesë në takimin ku do të diskutohet për formimin e institucioneve, pas zgjedhjeve të 14 shkurtit.

Lajmin e ka bërë me dije nënkryetari i PDK-së, Memli Krasniqi, duke shtuar se qëndrimet e kësaj partie do t’i bëjnë të njohura në këtë takim.

“PDK-ja do të marrë pjesë në takimin e ftuar të hënën. Si parti kryesore opozitare, qëndrimet tona rreth formimit të institucioneve do t’i bëjmë të njohura në takim”, ka thënë Krasniqi për “Express”.