Ajo është një ndër reperet më të preferuara për publikun shqiptar. Është fjala për Rina Balaj, e cila përveçse është mjaft aktive në tregun muzikor, është gjithashtu edhe në rrjetet sociale.

Së fundmi, ajo ka marrë vëmendjen e të gjithëve me disa fotografi të publikuara në profilin e saj në “Instagram”. Imazhet në fjalë nuk janë të ndryshuara dhe pa asnjë problem tregon strijat dhe celulitin. E pavarësisht kësaj, Rina sërish duket bukur dhe në formë.

“Foto të paedituara. Celulit dhe strija për darkë”, ka shkruar reperja e njohur bashkëngjitur fotove që menjëherë kanë marrë mijëra pëlqime si dhe kompliemente të shumta nga ndjekësit.

Këta të fundit kanë vlerësuar guximin e saj për t’u shfaqur ashtu siç është, pa filtra dhe “photoshop”.