Forcat e armatosura të Ukrainës pretendojnë se sot gjatë luftimeve, kanë arritur ta zënë rob një oficer të ushtrisë ruse.

Në kumtesën e publikuar në Twitter, forcat e armatosura të Ukrainës, kanë njoftuar se bëhet fjalë për një nënkolonel të ushtrisë ruse.

Madje në njoftim është publikuar edhe fotografia e ushtarakut rus të zënë rob, ku shihet edhe libreza e tij ushtarake.

Në përshkrimin e fotografisë kanë dhënë një detaj interesant sa i përket pajisjeve dhe rrobat që i kishte veshur nënkoloneli rus.

“Nënkoloneli rus i zënë rob: barte brekë dhe çorape të forcave të armatosura të Ukrainës”, thuhet në njoftim.

Ndryshe ushtria ukrainase pretendon se është shumë efikase në eliminimin e zyrtarëve të lartë ushtarakë rusë.

Sipas të dhënave të tyre, nga fillimi i pushtimit rus në Ukrainë, janë vrarë pesë gjeneralë rusë si dhe zëvendëskomandanti i flotës ruse.

❗❗❗У полон потрапив російський підполковник: на ньому були труси та шкарпетки ЗСУ. pic.twitter.com/rglXAdNDZR

— ??Armed Forces (@ArmedForcesUkr) March 22, 2022