Shefi i Grupit Parlamentar të AAK-së, Besnik Tahiri, ka komentuar vendimin e sot të Qeverisë për miratimin e Projektligjit për pagën minimale prej 264 euro bruto ose 250 euro neto.

Ai përmes një postimi në llogarinë e vet në “Facebook” ka shkruar se paga minimale duhet të jetë 370 euro neto, që nënkupton 400 euro bruto.

“Vendimi i sotëm është edhe një pazotësi e qeverisë me ju përgjigj gjendjes së rëndë në vend. Në fakt, vlerësimet e fundit tregojnë se 250 euro vetëm sa ka arritur paga në shumë veprimtari të sektorit privat”, ka shkruar Tahiri.