Villarreali pësoi humbje në ndeshjen e parë gjysmëfinale nga Liverpooli (2-0). Trajneri Unai Emery e ka pranuar se gjerat kanë mundur të shkojnë edhe me keq.

“Në këtë fazë të Ligës së Kampionëve takohesh me rivalë që janë favoritë. Ata nuk na lanë të kishin iniciativën, nuk na lanë t’i ndiqnim. Në ndeshjen e kthimit besoj se do të jetë ndryshe, mendoj se do të bëjmë diçka. Në e dinim që Liverpooli është një skuadër e fortë, mund të shkonte edhe më keq, por në Spanjë do të provojmë diçka ndryshe”, ka thënë Emery.