Policia e Kosovës ka njoftuar se ka arrestuar kosovarin A.A pasi i njëjti ishte duke u kërkuar nga Interpoli.

A.A u ndal për tejkalim të shpejtësisë në rrugën Gjilan-Kamenicë, rreth orës 20:50 minuta, por i njëjti është verifikuar nga ana e zyrtarëve policorë ka rezultuar se është i kërkuar nga Interpoli për shkak të veprës penale „Vjedhje e rëndë” e kryer jashtë shtetit të Kosovës.

“I njëjti është arrestuar nga ana e zyrtarëve policor dhe është sjellë në Stacionin Policor Gjilan për procedim të mëtejmë ligjor”, thuhet në njoftimin e Policisë.