Personi që dyshohet se ka grabitur një shumë parash të enjten nën kërcënimin e armës në një institucion mikrofinanciar në Prishtinë, është arrestuar të premten.

Policia ka njoftuar në raportin e saj 24-orësh se pas arrestimit të të dyshuarit, është konfiskuar edhe vetura e tij që dyshohet të jetë përdorur në rast.

Me vendim të prokurorit i dyshuari është dërguar në mbajtje.

Rasti kishte ndodhur gjatë orëve të pasdites në rrugën “Nazim Gafurri” në Prishtinë.