Kryetari i Komisionit për Ekonomi në Kuvendin e Kosovës, Ferat Shala së bashku me anëtarët e këtij komisioni kanë vizituar të hënën Zyrën e Rregullatorit për Energji (ZRrE).

Me këtë rast, Shala ka thënë se takimet me ZRrE-në janë në interes të sektorit energjetik të Kosovës.

“ZRrE-ja si rregullator i pavarur ekonomik  i përgjigjet Komisionit funksional për Ekonomi në Kuvendin e Kosovës.  Sot, bashkë me disa anëtarë të këtij komisioni vizituam këtë institucion , së bashku mbajtëm një takim pune. Në fund u dakorduam që takimet e tilla duhet  të mbahen,  janë të rëndësishme dhe ne interes të sektorit energjetik”, ka shkruar Shala në “Facebook”.