Pep Guardiola ka deklaruar se Kevin De Bruyne nuk do të largohet nga Manchester City këtë sezon. Reprezentuesi belg më parë ka qenë i lidhur me një lëvizje në Arabinë Saudite. Megjithatë, trajneri Guardiola tani ka thënë se 33-vjeçari nuk do të largohet.

“Nëse dikush largohet, ne do të flasim për këtë”, ika thene ai. Skuadra e Arabisë Saudite, Al-Ittihad thuhet se synon belgun i cili ka ende një vit në kontratën e tij me Manchester Cityn. Në qershor, De Bruyne i ka thënë gazetës belge “Het Laatste Nieuws” se po luante me idenë e një rroge fitimprurëse në fazat e fundit të karrierës së tij.

“Këto janë edhe biseda që po i bëjmë gjithnjë e më shumë si familje. Më ka mbetur edhe një vit nga kontrata ime, ndaj duhet të mendoj se çfarë mund të ndodhë”, ka deklaruar De Bruyne.