Në fshatin Delloc të Suharekës është konfirmuar prezenca e sëmundjes infektive “lija e deleve/dhive (Sheep Pox/Goat Pox)”, një sëmundje që prek bagëtinë dhe konsiderohet e rrezikshme për sektorin blegtoral.

Sipas Agjencisë së Ushqimit dhe Veterinarisë, menjëherë pas konfirmimit të rastit të parë, janë marrë masat e nevojshme për kontrollimin e situatës dhe parandalimin e përhapjes së mëtejshme të sëmundjes.

Ndërkohë, sipas gazetarit Nuhi Salihu, kjo sëmundje nuk bartet te njerëzit.

Kujtojmë se një fermer në Suharekë humbi 130 dele nga lija e dhenve.