Pasi kryetari i Aleancës për Ardhmërinë e Kosovës, Ramush Haradinaj kishte deklaruar se nëse Saranda Bogujevci apo Shqipe Selimi nga Lëvizja Vetëvendosje do të ishin kandidate për kryeparlamentare ata do ta votonin, ka reaguar Bogujevci.

Ajo në një postim në rrjetin social në “Facebook” ka shkruar se ky diskurs vjen nga ata që nuk kanë të drejtë të propozojnë kandidatë për kryeparlamentar.

Sipas Bogujevcit, po të njëjtit nëpër studio televizive nuk lanë gjë pa thënë për të, sot siç tha ajo “qenkam personi i preferuar për pozitën e kryetares së Kuvendit”.