Abazi paralajmëron dorëheqje nëse ndërrohet Kushtetuta për shkak të Asociacionit

28 nëntor 09:00

Deputeti nga radhët e Lëvizjes Vetëvendosje, Haki Abazi, ka folur për çështjen e Asociacionit të Komunave me Shumicë Serbe, duke theksuar se kjo do të jetë pjesë e marrëveshjes finale me Serbinë.

Madje ai tha se nuk beson se do të ketë ndryshim Kushtetues sa i përket Asociacionit, por në rast se ndodh një gjë e tillë, është i gatshëm të japë dorëheqje nga pozita e deputetit.

“Jam i bindur që çështja e asociacionit është pjesë e diskutimit, fatkeqësisht, por forma se si do të përfshihet në marrëveshjen finale dhe respektimi i plotë i gjykatës kushtetuese duhet të jenë limitet të cilat duhet të ecet para”.

“Sikur të mos ishte asociacioni pjesë e marrëveshjes sigurisht që s’do të duhej të flisnim për të. Duhet të fillohet të diskutohet si pjesë e marrëveshjes finale. Nuk besoj që do të ketë ndryshim kushtetues për të akomoduar kompetenca ekzekutive të asociacionit. Nëse ndodh një gjë e tillë unë jam i pari që jap dorëheqje”.

Sipas tij, është në interes të BE-së që marrëveshja finale të arrihet sidomos pas konfliktit Rusi-Ukrainë.

“Të dyja janë pyetje shumë të vështira. E pat se si përdorën presionin e vizave për çështjen e targave. Instrumentet e presionit janë të shumta në dorën e BE dhe sigurisht që këto presione do të vazhdojnë por unë mendoj që është në interes të BE që marrëveshja finale të arrihet sidomos pas konfliktit Rusi-Ukrainë”, tha Abazi./EO

Lajme të sponsorizuara

Të fundit
Sot 110 vjet më parë në Vlorë përfaqësues të Vilajeteve…