Kandidati i Lidhjes Demokratike të Kosovës për kryeministër, Lumir Abdixhiku, ka prezantuar një nga zotimet kryesore sociale të programit të LDK-së, i cili ka për synim mbështetjen e drejtpërdrejtë të familjeve dhe nënave të reja në Kosovë.

Sipas tij, në momentin që lind një fëmijë, çdo nënë do të përfitojë mbështetje financiare prej rreth 2,400 eurosh në vitin e parë të jetës së foshnjës.

Mbështetja, sipas programit të LDK-së, nuk përfundon pas vitit të parë.

“Në momentin që lind një fëmijë në Kosovë, në programin tonë, çdo nënë i merr rreth 2400 euro në vit. Që i bie rreth 200 euro në muaj për çdo të porsalindur për vitin e parë… Vazhdon me i marrë prej 1 vjet deri 6 vjet çerdhe, dhe nga 50 euro në muaj. Në klasë të parë dhe të pesë mësimin tërë ditor, ushqehet mirë, mëson mirë. Në moshën e klasave 6 deri në shkollimin e mesëm fëmijët do të mësohet me edukimin e lëndës të inteligjencës artificiale… para fakultetit ne do t’i pranojmë në sektorin e teknologjisë informative 40 mijë të ri.. Një i porsa diplomuar, nuk e meriton të dal rrugëve, ne do të investojmë, do të ia garantojmë një punësim, me 500 euro”, ka thënë Abdixhiku në Debat Plus.