Abdixhiku, Kurtit: 17 për qind e territorit pa polici e gjyqësor

30 nëntor 2022 | 13:21

Kryetari i Lidhjes Demokratike të Kosovës, Lumir Abdixhiku, në fjalën e tij në Kuvend, ku po diskutohet për situatën në veri, ka kritikuar qeverinë Kurti lidhur me qasjen në dialog dhe qeverisjen e vendit.

Abdixhiku në interpelancën ndaj kryeministrit Kurti lidhur me situatën në vend, të thirrur nga deputetët e AAK-së, ai ka thënë se derisa flasin në Kuvend 17 për qind e territorit është pa polici, prokurorë, gjyqtarë e shërbime bazike komunale.

“Kur i dëgjon pozicionimet e qeverisë të krijohet përshtypja që jeton në një univers paralel. Kryeministri foli për siguri e luftë ndaj krimit, ndërsa derisa flasim 17 për qind e territorit është pa polici, gjyqtarë e prokurorë. Një aksident rrugor nuk mund ta zgjidhin në veri, një dhunë në familje s’ka kush ta trajtojë në veri. Me çka mbahet shteti? Me fjalime prej Prishtinës”, ka deklaruar Abdixhiku.

 

Lajme të sponsorizuara

Të fundit
Kryetari i Aleancës për Ardhmërinë e Kosovës, Ramush Haradinaj, sërish…