Lideri i LDK’së, Lumir Abdixhiku u pyet se a ka problem partia e tij, me PDK dhe AAK për shkak të historisë politike armiqësore, kundërshtuese të mëhershme.

Abdixhiku në emisionin Pressing në 7T thotë se nuk ka të bëjë me këtë, por se një koalicion i tillë është i pamundur, pasi thotë se nuk ka vota për një shumicë të tillë.

“Është i pamundur një koalicion i tillë, e dyta në takime që i kam pas me liderët politik, në fillim ia kam bërë të qartë që nuk ka vota për një shumicë të tillë”.

Ai thotë se LDK’ja nuk bëhet vagon i asnjë partie politike.

“Bëhuni të sinqertë, dilni tregoni njerëzve që nuk i keni votat. Meqenëse nuk i kemi votat nuk duhet të pretendojmë një gjë të tillë. Moralisht, të diskutohet a duhet ta bëjmë apo jo një gjë të tillë, praktikisht, tash po ju garantoj, që LDK nuk bëhet vagon i asnjë partie në Kosovë. Unë e di cka kanë dëshirë partitë e tjera, ta marrin LDK, herë njëra e herë tjetra. Jo sdo ta kenë këtë gjë”, tha ai.