Kryetari i LDK-së, Lumir Abdixhiku është deklaruar pas takimit me presidenten Vjosa Osmani.

Ai ka deklaruar se nuk ka shumicë parlamentare për formimin e një qeverie të re.

“Në këtë takim u dëshmua ajo që LDK-ja kishte thënë gjithherë, që në Kosovë, pas rezultatit të 9 shkurtit, nuk ka shumicë parlamentare”, ka thënë ai.

Abdixhiku ka thënë se ky ishte deklarimi i 52 përfaqësuesve të partive.

Derisa ai ka shtuar se në takimin me presidenten është përmendur shpesh qeveria e tranzicionit. Por, i pari i LDK-së shtoi se një qeveri e tillë nuk mund të krijohet.

“Sa më parë që i organizojmë zgjedhjet, i shmangim krizat eventuale”, ka thënë ai.

Abdixhiku po ashtu ka deklaruar se tani është në dorën e të parës së vendit, deri të mërkurën, të përcaktojë se a ka shumicë, ose nëse nuk ka.