Kryetari i LDK-së i ka quajtur naive partitë që po e mbajnë Kuvendin të bllokuar dhe po e lënë për kryetar të Kuvendit dikë si Dimal Basha.

“Pa marrëveshje politike nuk mund të ketë zgjidhje, sepse nuk ka shumicë,” ka thënë Abdixhiku pas seancës.

“Në këtë pikë shihet edhe naiviteti i partive të tjera, të cilat jo vetëm që po e mbajnë Kuvendin të bllokuar, por edhe na lënë me një kryetar Kuvendi si Dimal Basha, i cili sot jo vetëm që vazhdoi me shkelje të Kushtetutës, por edhe me pretendimin se Kuvendi është konstituuar, pa interpretuar qartë Kushtetutën e Kosovës.”