Adelina Ismaili sfidon reperet shqiptare, ja çfarë thotë për Rinën
18 qershor 2019
| 16:44
Adelina Ismaili dhe Rina Balaj kanë përfunduar xhirimet e duetit dhe pritet që shumë shpejt të publikohet kënga “Qikat”.
Duket se divës së muzikës shqiptare i ka pëlqyer bashkëpunimi me reperen, pasi e ka cilësuar si artiste që do qëndrojë gjatë në treg.
“Ajo është zjarr. Ajo do të jetë për shumë gjatë vërdallë. Ajo është forca e vajzave. Qikat”, ka shkruar Adelina për Rinën në një fotografi në llogarinë e vet në “Instagram”.
Nuk dihet si do reagojnë rivalet e Rinës për këtë deklaratë të Adelinës. Ndërkohë fansat mezi po presin që të dalë kënga dhe janë të bindur se do jetë një hit për këtë sezon veror.
