Kryetari i Lidhjes Demokratike të Kosovës (LDK), Lumir Abdixhiku, ka folur për sulmet politike të Vetëvendosjes (LV) dhe gjuhën se janë në përputhje me Serbinë dhe Listën Serbe, “ndërsa natën na çojnë letër, hajdeni me neve”:

“Ofendimet e sharjet i kanë për propagandën, të vërtetën e tyre në letrën e ofertës. Letra e tyre është hajde bëhemi bashkë. Sepse ata e dinë që kuadrot që i ka LDK nuk i ka askush, ata e dinë që ne kur mblidhemi këtu, nuk flasim qysh me shkatërruar shtetin. Nuk mblidhemi për ta bllokuar republikën. Tjetër është çka ju flasin militantëve të vet, me fjalët për ‘tradhtarë’ e ‘patriotë’. Që ku e kemi në krah një ushtar të Koshares. Anton Qunin. E neve na thonë po doni me kthyer Serbinë në Kosovë. Kush po do me kthyer Serbinë në Kosovë? Anton, a po do me kthyer Serbinë në Kosovë? A pe kuptoni me çka po përballemi? Kjo është gjuha e vetme që u ka mbet. A natën ta çojnë letrën, hajde LDK me neve, ju lutna se veç ju jeni të mirë”, ka thënë Abdixhiku.