Aeroporti Ndërkombëtar i Prishtinës “Adem Jashari” hapet më 28 qershor

26 qershor 11:27

Aeroporti Ndërkombëtar i Prishtinës “Adem Jashari”, ka njoftuar se nga 28 qershori lejohet operimi i plotë i fluturimeve të rregullta.

Sipas njoftimit të këtij aeroporti, qytetarët për informacione shtesë duhet t’i kontaktojnë kompanitë ajrore.

Njoftimi i plotë i Aeroportit Ndërkombëtare të Prishtinës “Adem Jashari”:

Të nderuar udhëtarë,

Me kënaqësi, ju informojmë se nga data 28 Qershor 2020, lejohet operimi i plotë i fluturimeve të rregullta në Aeroportin Ndërkombëtar të Prishtinës “Adem Jashari” LKIA.

-Nga tani e tutje, për orar të fluturimeve, ju lusim t’i referoheni faqes sonë zyrtare www.airportpristina.com

-Për bileta dhe informacione shtesë, për fluturimin tuaj, qëndroni në kontakt me kompanitë ajrore.

-Për dokumente udhëtimi, ju lusim të kontaktoni me autoritetet relevante siç janë zyrat e ambasadave të huaja në Kosovë, Ministria e Punëve të Brendshme, etj.

-Ju lusim t’i përmbaheni udhëzimeve për masat e sigurisë së udhëtimit, në mënyrë që fluturimi i juaj të realizohet me kohë dhe i sigurt, (veprimet që duhet ndërmarrë nga ana juaj, janë të publikuara si në faqen tonë zyrtare, po ashtu edhe në rrjetet sociale.

Ju kërkojmë ndjesë për pakënaqësitë e shkaktuara gjatë muajve të kaluar edhe pse ANP “Adem Jashari” LKIA, ka qenë gjithmonë i gatshëm të operoj.

Ju falënderojmë për mirëkuptimin tuaj dhe ju urojmë shëndet!.

Lajme të sponsorizuara

Të fundit
Kryetari i komunës së Drenasit, Ramiz Lladrovci, ka shprehur edhe…