MPB Maqedoni njofton se dje në orën 14:40, në SPB Shkup është raportuar një aksident trafiku në rrugën “Kemal Sejfula” në Shkup midis një kamioni Mercedes me targa të Shkupit, i drejtuar nga 29-vjeçari E.P. nga Republika e Kosovës, dhe një mopedi me targa të Shkupit, i drejtuar nga 32-vjeçari F.A. nga Shkupi.

“Në aksident, drejtuesi i mopedit ka pësuar lëndime të rënda, të cilat janë konfirmuar në Spitalin e Përgjithshëm të Qytetit “Shën Naum Ohridski”. Një ekip inspektimi nga SPB Shkup ka kryer inspektim dhe drejtuesi E.P. është arrestuar dhe mbajtur në stacionin policor për procedura të mëtejshme”.

“Pas hetimit të plotë të rastit, do të hartohet një raport përkatës”, thonë nga MPB.